TAMILSJKT
வணக்கம் ஆசிரியர்களே,
பெரும்பாலும் தனிப்பட்ட வேண்டுகோள் எதையும்
இங்குப் பதியக்கூடாது என்று எண்ணியிருந்தேன். ஆனால், தமிழ்ப்பள்ளி ஆசிரியர்களின் நன்மைக்காக
அதைப் பதிய வேண்டும் என்று எண்ணுகிறேன். பல தடவை சொல்லியாகி விட்டது. இப்பக்கம் தமிழ்ப்பள்ளி
ஆசிரியர்களுக்கான ஒரு பக்கம் என்றும் ஆசிரியர்கள் தங்கள் படைப்புகளை என்னிடம் பகிர்ந்து
கொண்டால், அதை இங்கு பதியலாம் என்றும்! அது ஆசிரியர்கள் அனைவருக்கும் பயனாக இருக்கும்.
எனக்கு மட்டும் இருந்தால் போதும்…. அடுத்தவரிடமிருந்துதான் நான் எடுத்துக் கொள்வேன்..
என்னுடைய படைப்புகளை ஒருநாளும் மற்றவரிடம் பகிர மாட்டேன் என்ற குறுகிய மனப்பான்மை யாருக்கும்
பயனளிக்காது. எனவே, தாங்கள் அல்லது தங்கள் வட்டாரம் தயாரித்த மாதிரிக் கேள்வித்தாள்களை
எனக்கு மின்னஞ்சல் அனுப்பினால், அதை இங்குப் பதிவேன். தயவு செய்து அனைவரும் ஒத்துழைப்பு
நல்கும்படி தாழ்மையுடன் கேட்டுக் கொள்கிறேன். ஒரு நாளைக்கு ஏறக்குறைய 40 பேர் இங்குள்ள
தரவுகளைப் பதிவிறக்கம் வேண்டி விண்ணப்பம் செய்கின்றனர். ஆனால், தங்களுடைய படைப்புகளைப்
பகிரும் எண்ணம் ஒருவருக்கும் இருப்பதில்லை. இதுவரை நம் சமுதாயம் குறுகிய மனப்பான்மையுடனும்
சுயநல எண்ணத்துடனும் வாழ்ந்தது போதும். தன்னலத் தடைகளை உடைத்துக் கொண்டு வெளியே வாருங்கள்.
அனைவரும் பயனடைவோம்.
நன்றி.
